Акциите на Македонски телеком најбројни во нетрговските трансфери

Во нетрговските трансфери извршени во текот на минатата недела подарени или наследени се 1.679 обични акции. Активностите се одвивале од понеделник до четврток, а застапени се акции на шест компании и на една банка, покажуваат податоците на Централниот депозитар за хартии од вредност.

Седмицата почнала со пренос на три акции издадени од Комерцијална банка. А, забележани се уште два трансфери – на 50 и на 10 обични акции.

Ден потоа во статистиката е заведен нетрговски пренос на 544 акции на Македонски телеком. Од податоците објавени на Македонска берза се гледа дека и во четвртокот имало трансфер на уште 250 обични акции.

Претпоследниот работен ден бил и најинтензивен во овој сегмент. Направен е трансфер на вкупно 1.082 акции. Меѓу нив, освен претходно споменатите, се 530 обични акции на Макстил АД Скопје и  29 на Уготур АД Скопје. Исто така и емитуваните од РЖ компаниите: 27 акции на Интер-Трансшпед, 225 на Услуги и 11 обични акции на Техничка контрола.