Аналитика
Благодарение на донацијата од Комерцијална банка со две нови трамболини е опремено основното училиште за деца со посебни потреби „Д-р Златан Сремец“ – Скопје. За 98 ученици од ова училиште, трамболината е секојдневен предизвик на часот по физичко и здравствено образование и еден од најважните реквизити за поттикнување на потенцијалот и развојот на способностите на децата со посебни потреби.
Оваа донација е една од многуте со кои Комерцијална банка во континуитет го дава својот придонес за подобрување на условите за образование и живот на лицата со посебни потреби. Нам ни претставува огромно задоволство што и овој пат нашиот мал придонес е доволно голем за да донесе радост и да овозможи комплетен образовен процес на учениците во „Д-р Златан Сремец“ – Скопје.
Комерцијална банка продолжува преку своите општествено одговорни практики да придонесува за поквалитетен и похуман свет.
