Аналитика
Иако иницијативата „Отворен Балкан“ е поддржана од САД, таа потекна од идејата во трите земји, Македонија, Србија и Албанија, вели поранешниот национален координатор за регионална соработка и европски интеграции во владата на СДСМ и ДУИ Нола Исмајлоска Старова во поткастот „Каде се парите? со Горан Теменугов. Таа додаде дека во овие три земји имаше услови да се продлабочат пред се економските односи, а дека другите земји од Западен Балкан кои не пристапија кон оваа иницијатива, едноставно немаа внатрешен консензус за ваква нова иницијатива во регионов.
„Отворен Балкан почна внатрешно. Беше таква иницијатива која не беше измислена на некоја друга маса и мислам дека навистина имаше успех, но некогаш кога сте во политиката, проценувате како тоа ќе изгледа, дали ќе одземе или донесе политички поени. Можеби тоа било причината, не можам да бидам сигурна, но можеби и тоа имало причина, како ќе реагира општеството, а од друга страна соработката меѓу бизнис секторот навистина беше на многу добро ниво.
- Се зборува дека е американски проект Отворен Балкан, пандан на Берлинскиот процес и во суштина бидејќи се скара Албин Курти со Америка и таа релација дека има некое влијание. Дали е американски проект Отворен Балкан?…
- Поддржан од Америка секако, но иницијативата беше направена од тогашниот премиер Зоран Заев, Александар Вучиќ и Еди Рама, ако не се лажам….
- Да.
Премиерата е во четврток, во 12.00 часот на пладне, а потоа кога сакате може да не гледате на нашиот ЈуТјуб канал кој ќе го најдете ако во пребарување на кирилица напишете пари. Ќе ви се појавиме и тие сме.
Секако, секоја содржина што ја подготвуваме за вас е бесплатна, но затоа многу ни значи ако притиснете „сабскрајб“ и почнете да не следите. Секое добро, и се гледаме премиерно секој четврток или кога и вие да посакате потоа.
