Аналитика
„Македонските компании очајно бараат квалификувани работници, но младите се селат во странство. Во земја со 12% невработеност, деловниот сектор не може да најде кадар! Средните стручни училишта со години беа запоставени, а студентите повеќе сакаат да работат сезонски во странство отколку да градат кариера дома. Дали дуалното образование и државните мерки ќе го решат овој проблем? Или Македонија ќе стане земја без работна сила?“
Одговорите во поткастот „Каде се парите? со Горан Теменугов“.
„Можеби начинот на работа и очекувањата од вработените е различно од мултинационални глобални компанији, каде што навистина се очекува ако имате седум и пол часа ефективна работа, без разлика дали работите во производство или во администрација, тоа значи дека тие седум и пол часа навистина треба да работите. Што, да не коментираме, но сигурно во јавната администрација тоа најчесто не е случајот.
Дополнително, недостаток на интересна работа во индустрија, потоа недоволно практично знаење и искуство. И тоа недоволно практично знаење и искуство креира на некаков начин не заинтересираност да се работи во овакви струки. Потоа несодветна едукација.
Едно е практичниот дел, друго е теоретскиот дел и накрај имаме нешто што е случај во Македонија кој беше долго време, а тоа значи луѓето ја напуштат државата.“
Премиерата е во четврток, во 12.00 часот, на нашиот ЈуТјуб канал. Не заборавајте да притиснете „сабскрајб“ и да го следите нашиот канал!“
