Триглав осигурување со нова Одлука за одредување на месечен паушал на неизвршните членови на Одборот на директори

На 52-та седница на Собранието на акционери на Триглав Осигурување АД, Скопје, одржана на 30.10.2019 година, донесенa е Одлука за одредување на месечен паушал на неизвршните членови на Одборот на директори за основна награда и додаток на вршење на функцијата на членот.

Во Одлуката стои дека основната награда изнесува:

-350 евра во бруто износ за неизвршните членови на Одборот на директори кои се вработени во Групацијата Триглав и
-1.000 евра во бруто износ за неизвршните членови на Одборот на директори кои не се вработени во Групацијата Триглав.

Додека, додатокот за вршење на функција, согласно Одлуката изнесува:

-за вршење на должност претседател на Одборот на директори во висина од 70% од основната награда и
-за вршење на функција член/одбор во висина од 10% од основната награда, односно 20% од основната награда за вршење на функција претседател на комисијата/одборот.

На месечен паушал, неизвршните членови на Одборот на директори на Триглав Осигурување АД Скопје, имаат право за времетраење на мандатот.