НЛБ банка апелира до клиентите да бидат претпазливи, бидејќи се детектирани обиди за злоупотреба на податоци и сметки од страна на лица кои се претставуваат во име на таа банкарска институција. Поради заштита и безбедност, препорачуваат да се внимава при користење на услугите, особено при споделувањето на личните податоци, дури и ако лицето се идентификува како претставник на Банката.
Оттаму упатуваат на податоците кои никогаш не се бараат, доколку контактот се остварува со вработен во НЛБ банка:
– активациски кодови за електронско и мобилно банкарство
– лозинки за потврдување на плаќања
– копија од документи за лична идентификација (лична карта, пасош)
Исто така, посочуваат, доколку некој клиент се посомнева дека постои злоупотреба на податоците, веднаш треба да реагира на 02/15 600 или на [email protected].