Комерцијална банка, Стопанска банка – Скопје и НЛБ банка се трите најголеми банки во Македонија и тие, и во овие турбулентни времиња, ги зголемија своите добивки, покажуваат полугодишните неревидирани финасиските извештаи на Македонската берза.
Вкупната добивка пред оданочување што ја направиле овие банки за 6 месеци, односно од јануари до јули, е 70,1 милион евра. Во 2021 година пак, нивната вкупна добивка пред оданочување била 51,7 милиони евра. Овие податоци покажуваат дека годинешниов успех на најголемите банките е многу поголем од ланскиот, така што тие во првото полугодие направиле за 18,4 милиони евра поголема добивка од ланската.
Податоците покажуваат и дека големината на активата не ја диктира големината на добивката. Имено, може банката да има помала актива, а поголема добивка. Но, банкарството е сложен сектор и до крајниот резултат има многу елементи…
Актива
Банка | Актива |
---|---|
Комерцијална банка | 2,4 милијарди евра |
Стопанска банка | 1,9 милијарди евра |
НЛБ Банка | 1,7 милијарди евра |
КОМЕРЦИЈАЛНА БАНКА СО НАЈГОЛЕМА АКТИВА, СТОПАНСКА БАНКА СО НАЈГОЛЕМА ДОБИВКА
Според активата што ја има Комерцијална банка е најголемата банка. Сепак, таа има помала добивка пред оданочување и од НЛБ и од Стопанска банка. Меѓу овие три банки, со најголема добивка, од 26.5 милиони евра пред оданочување, направена за 6 месеци, е Стопанска банка. Нејзината актива пак, е за 500 милиони евра помала од активата на Комерцијална банка .
Од податоците може да се види и дека најголемо зголемување, во апсолутен износ, има токму кај добивката на Стопанска банка. Но,солиден раст има и кај другите две банки.
Добивка
Банка | Добивка пред оданочување (30.6.2022) | Добивка пред оданочување (30.6.2021) |
---|---|---|
Стопанска Банка | 26,5 милиони евра | 19,8 милиони евра |
НЛБ Банка | 25,2 милиони евра | 20,4 милиони евра |
Комерцијална Банка | 18,4 милиони евра | 13,5 милиони евра |
КАКО РАСТАЛЕ ПРИХОДИТЕ ОД НЕТО-КАМАТИ?
Со растот на кредитирањето, како и со растот на депозитите во банките, се зголемува и износот на каматите, како за цената што се наплатува за дадените кредити, така и за онаа што се плаќа за земените депозити. Приходот од таа разлика, наречена нето-камата, бил најголем во Стопанска банка, каде е и најголемата добивка. Раст, секако има и кај другите банки. Ова е најважната приходна ставка кај банките.
Нето-камати
Банка | Нето-камати (30.6.2021) | Нето – камати (30.06.2020) |
---|---|---|
Стопанска Банка | 32,3 милиони евра | 30,7 милиони евра |
НЛБ Банка | 24,7 милиони евра | 23,7 милиони евра |
Комерцијална Банка | 21,6 милиони евра | 19,2 милиони евра |
Како поминал целиот банарски сектор во првото полугодие од годинава во однос на ланското, се очекува да откријат податоците на Народната банка.
Редакција Пари