Комерцијална банка: Сите платежни услуги се достапни

Во текот на викендот Комерцијална банка нема да има прекини во работењето поради воведувањето на новите стандарди во платниот промет.

Промените поврзани со усогласувањето со Законот за платежни услуги и платни системи на Народната банка и со примената на стандардот ISO 20022 нема да влијаат врз електронското и мобилното банкарство, платежните картички, банкоматите, ПОС-терминалите и останатите услуги.

„Комерцијална банка навремено ги спроведува потребните технички и оперативни подготовки за преминот кон новите стандарди, со цел тие да не влијаат врз секојдневното користење на платежните услуги од страна на клиентите“, соопштија од Банката.