Јавен повик на Министерството за економија: Субвенции до 300 евра за вграден плински уред во возилата

Министерството за економија го објави повикот за субвенционирање на дел од трошоците за вградување на плински уреди, метан или друг вид алтернативно гориво во возилата.

Граѓаните ќе можат да аплицираат за субвенции до 50 отсто од трошоците, но не повеќе од 18.000 денари за вграден плински уред по возило.

Како што се наведува во објавениот повик, субвенционирањето ќе важи само за едно возило по семејство. Од државниот буџет за оваа намена се одвоени 15 милиони денари.

Субвенционирањето ќе се врши по принципот „прв дојден, прв услужен“. Повеќе за Јавниот повик и условите за поднесување барање за добивање субвенција на следниов ЛИНК. Право на учество имаат сите сопственици на возила што се произведени во периодот по 2005 година.

Потребната документација треба да се достави најдоцна до 2 декември до Архивата на Министерството за економија секој работен ден од 9.30 до 15.00 часот.

Субвенциите за вградување плин во возилата се една од владините мерки што е насочена кон справување со проблемот на аерозагадувањето.