Аналитика
Со Агенцијата за супервизија на осигурување раководи Совет на експерти во нов состав. На челната позиција како претседател со петгодишен мандат е назначена Ели Дракуловска.
Нови членови на Советот на експерти на Агенцијата за супервизија на осигурување, професионално ангажирани со полно работно време се Александра Дранговска и Горан Здравковски. Мандатот на Дранговска е пет години, а на Здравковски до 25 октомври 2028 година. До овој датум во Советот ќе придонесува и непрофесионално ангажираниот член Бобан Пановски.
Одлуката за именување претседател и членови на Советот на експерти на АСО е донесена од страна на републичкото Собрание, на седницата одржана на 27 декември минатата година.
