Аналитика
Притиснете „Subscribe“ и следете нè.
Имунитетот на главниот државен ревизор и на ревизорите е изоставен од новиот Закон за државната ревизија. Главниот државен ревизор Максим Ацевски во поткастот „Каде се парите? со Горан Теменугов“ вели дека претходниот закон ги штител нивните ставови и мислења изнесени при ревизиите. Според него, оваа заштита е важна за независноста на институцијата и за чувствителната работа што ја извршуваат ревизорите. Ацевски интервенирал до надлежните комисии за одредбите да останат, но тие сепак биле изоставени од конечниот текст. Тој го оценува тоа како пропуст и очекува заедно со надлежното министерство и Собранието да се врати заштитата.
„ТЕМЕНУГОВ: Зошто го симнаа имунитетот?
АЦЕВСКИ: „Мене не ми е познато. Јас интервенирав во надлежните комисии, интервенирав во Собранието и така натаму. Се најдовме во ситуација да биде прифатено, па после потоа избришено. Но велам, тоа останува во една заедничка комуникација со надлежното министерство, со Собранието да го надминеме и мислам дека ќе има разбирање за тоа… Не се сомневам дека ова е тенденциозно и намерно, мислам дека се работи за пропуст, верувам дека во нашата дополнителна дискусија, и јас тоа веќе го најавив и на самиот председател на Собранието укажав дека имаме одредени состојби за коишто треба да повторно да дискутираме, тој изрази подготвеност, така дека верувам дека во наредниот период тоа ќе биде надминато.“
