ЧИТАМЕ: ВОЛАС Д. ВОТЛС – НАУКА ЗА СТЕКНУВАЊЕ БОГАТСТВО | Дел 4/4

Како ви доаѓа богатството

Кога велам дека не мора остроумно да тргувате, не мислам дека воопшто не треба да тргувате или дека сте над потребата од каква било работа со вашите сограѓани. Она што сакам да го кажам е дека нема да има потреба работата со нив да биде неправедна да се справите со нив; нема да мора да добивате нешто за ништо, токму напротив, ќе можете да дадете секому повеќе отколку што земате од него.

Не можете секому да дадете повеќе во парична пазарна вредност отколку што земате од него, но можете во употребна вредност да му дадете повеќе отколку паричната вредност на она што го земате од него. Хартијата, мастилото и другиот материјал од кој е сочинета оваа книга можеби не вреди толку колку што сте ја платиле, но доколку идеите тука предложени ви донесат илјадници долари, оние што ви ја продале не ви наштетиле; тие ви дале голема употребна вредност за мала парична вредност.

Да претпоставиме дека поседувам слика од еден од големите уметници, која, во секоја цивилизирана заедница, вреди илјадници долари. Ако ја однесам во заливот Бафин и „претприемачки“ убедам Еским да ми даде купче крзна во вредност од 500 долари за неа, јас всушност му наштетувам, бидејќи нему не му е потребна сликата – за него таа нема никаква употребна вредност и нема да додаде ништо на неговиот живот.

Но, ако претпоставиме дека сум му дал пиштол во вредност од 50 долари за неговите крзна, тој направил добра зделка. Пиштолот ќе му биде корисен – ќе му донесе многу повеќе крзна и многу храна, ќе допринесе во неговиот живот на секој начин, ќе го збогати.

Кога ќе се издигнете од компетитивното на креативното рамниште, ќе можете многу строго да ги надгледувате вашите деловни трансакции и ако некому продавате нешто што не додава повеќе вредност во неговиот живот од она што тој ви го дава во замена, можете да си дозволите да запрете со тоа. Не треба да поразите никого во деловното работење. А доколку се бавите со деловна активност што ги поразува луѓето, веднаш напуштете ја.

Дајте му на секој човек употребна вредност поголема од паричната вредност што ја земате од него – на тој начин со секоја деловна трансакција додавате на животот на светот.

Доколку имате вработени, мора да земете од нив повеќе во парична вредност отколку платата што им ја давате – но можете да го организирате вашиот бизнис така што ќе биде исполнет со принципот на напредување и така што секој вработен што сака да го стори тоа ќе може да напредува по малку секој ден.

Можете да ја уредите вашата деловна активност на начин што за вашите вработени ќе го прави она што оваа книга го прави за вас. Можете да го водите вашиот бизнис на начин тој да биде еден вид скалило со кое секој вработен што ќе се потруди ќе може и самиот да се искачи до богатството – доколку можноста му е пружена а тој не го стори тоа, тоа не е ваша вина.

Конечно, тоа што треба да предизвикате создавање на своето богатство од материјата без форма што е проткаена во сѐ што ве опкружува, не значи дека богатството ќе се материјализира од атмосферата и ќе се појави пред вашите очи.

Ако, на пример, сакате машина за шиење, не ви велам дека треба да ја втиснувате мислата за машина за шиење во материјата што мисли сè додека машината не се создаде без мануелна работа, во просторијата каде седите или на друго место. Но, ако сакате машина за шиење, чувајте ја умствената слика за неа со најголема сигурност дека ја создаваат или дека е на пат кон вас. Откако еднаш ќе ја формирате мислата, имајте апсолутна и несомнена верба дека машината за шиење доаѓа; никогаш не размислувајте или не зборувајте за неа на кој било друг начин освен дека сигурно ќе пристигне. Однесувајте се како веќе да е ваша.

Ќе ви биде донесена со моќта на врховната интелигенција, која постапува согласно човековите умови. Ако живеете во Мејн, можно е некој човек да биде донесен од Тексас или Јапонија за да се вклучи во некоја трансакција како резултат на која ќе го добиете она што го сакате.

Доколку е така, целата работа ќе биде исто толку корисна за тој човек колку што е и за вас.

Ни за миг не заборавајте дека материјата што мисли е низ сѐ, во сѐ, комуницира со сѐ и може да влијае на сѐ. Желбата на материјата што мисли за поисполнет и подобар живот го има предизвикано создавањето на сите веќе направени машини за шиење – може да предизвика создавање на милиони повеќе и ќе го стори тоа секогаш кога мажите ќе ја придвижат со желба, верба и со дејствување на одреден начин.

Несомнено, може да имате машина за шиење во вашата куќа – исто толку сигурно е и дека може да имате што и да посакате, а ќе го употребувате за унапредување на сопствениот живот и животите на другите.

Не треба да се двоумите да барате многу – Исус рекол: „На Татко ви му претставува задоволство да ви го дадете кралството.“

Оригиналната супстанција сака во вас да живее најпотполно што може и сака да го имате сето она што можете или ќе го користите за најобилно да живеете.

Доколку во вашата свест го врежете фактот дека желбата што ја чувствувате за поседување богатство е иста со желбата за семоќност за поцелосно изразување, вашата верба ќе стане непобедлива.

Прочитај и: НАУКА ЗА СТЕКНУВАЊЕ БОГАТСТВО | Дел 1/4

Прочитај и: НАУКА ЗА СТЕКНУВАЊЕ БОГАТСТВО | Дел 2/4

Прочитај и: НАУКА ЗА СТЕКНУВАЊЕ БОГАТСТВО | Дел 3/4

Книгата можете да ја најдете во Книготека Икона на Максим Горки бр 17, Ул Македонија бр 24 и во ТЦ Рамстор Мол