Аналитика
Деловните активности во евро зоната во јули се вратија во нормала, како резултат на олеснувањето на мерките за превенција од корона вирусот и врќањето на работните места.
Согласно индексите економската активност е зголема за прв пат од месец февруари, пред големото заклучување.
„Компаниите во еврозоната објавија охрабрувачки почеток на третиот квартал, при што производството расте со брза стапка, бидејќи се олеснуваат мерките за превенција и економиите повторно се отворија. Побарувачката, исто така, покажа знаци на заживување, помагајќи во спречување на темпото на загуба на работните места “, рече Крис Вилијамсон, главен економист во IHS Markit, кој ги обезбедува податоците, во соопштението.
Фирмите во Франција го предводеа закрепнувањето во регионот, при што производството и услугите го забележаа најдобриот раст на производството во последните две и пол години.
Сепак, сè уште постои загриженост за формата на закрепнување во регионот. Многу земји од еврозоната ги отворија своите економии, но поради мерките за социјално растојание многу компании работат со намален капацитет за да избегнат нови случаи на заболени.
Владите, исто така, најверојатно ќе ја прекинат својата финансиска поддршка за компаниите да ги задржат сите свои вработени на платниот список.
„Загриженоста сепак постои и можно е закрепнувањето да пропадне по оваа првична преродба. Фирмите се загрижени дека основната побарувачка е недоволна за одржување на неодамнешното подобрување на производството. Побарувачката треба да продолжи да се опоравува во наредните месеци, но постои загриженост дека зголемената невработеност и оштетените биланси, плус потребата за социјално растојание, веројатно ќе го отежнат закрепнувањето “, рече Вилијамсон.
