Аналитика
Цените на нафтените деривати се зголемуваат, во просек, за 3,47 насто, одлучи Регулаторната комисија за енергетика. Бензините и екстра лесното масло поскапуваат за 2,5 денари по литар, а дизелот за 2 денари. Цената на мазутот е повисока за 3,064 денари по килограм.
Од полноќ, новите максимални цени ќе изнесуваат: еуросупер БС-95 – 85 денари за литар, еуросупер БС-98 – 87 денари за литар, еуродизел – 93,50 денари за литар. Новата цена на екстра лесното масло (ЕЛ-1) ќе биде 98,50 денари за литар, а на мазутот 49,72 денари за килограм.
Причината за растот, велат од РКЕ, се повисоките референтни цени на светските пазари, каде што бензините поскапеле за 5,3 насто, дизелот за 2,8 насто, екстра лесното масло за 3,4 насто, а мазутот за 8,3 насто. Влијание има и курсот на денарот во однос на доларот, кој е повисок за 0,34 насто.
Во пресметката се вклучени и намалените акцизи – за 4 денари кај дизелот и за 2 денари кај бензините, како и намалениот ДДВ од 10 проценти за бензините.
