Аналитика
Растат трошоците за храна, здравство, транспорт, угостителските услуги. Инфлацијата мерена преку индексот на трошоците на животот во јули 2024 година, во однос на јуни 2024 година, порасна за 0,7 % и на годишна основа изнесува 3%.
Храната на годишно ниво (јули 2023 – јули 2024 година) бележи поскапување од 0,9%. Кај другите трошоци на граѓаните според статистика секаде има раст, односно за една година за 5,6% поскапи се алкохолните пијалаци и тутунот, облеката и обувките за 2,3%, мебелот и покуќнината за 3,2%, здравствената заштита за 5,8%, транспотртот за 4,8 %, комуникациите 3%, рекреација и култура 5,7 %, образованието 0,7%, а најмногу има поскапување кај угостителските услуги за цели 13,8%, покажуваат податоците на Државен завод за статистика
Зголемувањето на инфлацијата во јули 2024 година, во однос на јуни 2024 година, е резултат на зголемувањето на трошоците на животот во следните групи: ресторани и хотели за 5.8 %, транспорт за 4.9 %, рекреација и култура за 1.2 %, здравје, разновидни стоки и услуги за 0.6 %, домување, вода, електрика, гас и други горива за 0.3 %, алкохолни пијалаци, тутун и наркотици за 0.1 %.
Во јули 2024 година, во однос на јуни 2024 година, намалување на трошоците на животот е забележано во следните групи: облека и обувки за 0.5 %, храна и безалкохолни пијалаци за 0.2 %, комуникации за 0.1 %.
Трошоците на животот во групите: мебел, поќукнина и одржување на домаќинствата и образование остануваат на исто ниво како и во претходниот месец.
Индексот на цените на мало во јули 2024 година во однос на јуни 2024 година изнесува 101.5.
Индексот на трошоците на животот во јули 2024 година, во однос на јули 2023 година, бележи зголемување од 3.0 %, а индексот на цените на мало бележи зголемување од 3.9 %.
