Комерцијална банка ќе дели дивиденда, еве колку ќе добијат акционерите

Комерцијална банка ќе дели дивиденда од добивката во 2021 година. Предлог одлуката е доставена до Македонска берза, а акционерите ќе може да се произнесат за предлог одлуката на Годишното акционерско собрание закажано за 30 март во 12 часот.

Согласно Предлог-одлуката за употреба и распоредување на нераспределената добивка до 31.12.2021 година, донесена на седницата на Надзорниот одбор на Банката одржана на 23.02.2022 година, предложениот износ на дивиденда за 1 обична акција изнесува 620,00 денари, односно 62% во однос на нивната номинална вредност од 1.000,00 денари.

Се предлага следниот дивиденден календар:

Последен ден на тргување со право на дивиденда за 2021 година е 12.04.2022 година.

Прв ден на тргување без право на дивиденда за 2021 година е 13.04.2022 година.

Датумот на евиденција според кој се определува листата на акционери кои имаат право да добијат дивиденда за 2021 година е 14.04.2022 година.

Исплатата на дивиденда за 2021 година ќе започне на 27.04.2022 година.