Аналитика
Она што Закерберг го нарече „Година на ефикасноста“ на Мета, очигледно се исплатеше во голема мера, со оглед дека технолошкиот гигант, сопственик на Фејсбук и на Инстаграм во четвртокот објави дека профитот од трите месеци завршени во декември пораснал за повеќе од 200% на годишно ниво на 14 милијарди долари, надминувајќи ги очекувањата на аналитичарите од Волстрит.
Продажбата од кварталот порасна за 25% во однос на периодот од претходната година на повеќе од 40 милијарди долари. Цената на акциите на Мета порасна за повеќе од 14 отсто и надмина 445 долари во тргувањето после работното време.
Компанијата, исто така, ја објави својата прва готовинска дивиденда од 0,50 долари по акција која ќе биде исплатена на 26 март на рекордните акционери од 22 февруари, како и откуп на акции од 50 милијарди долари. Откупот и дивидендите помагаат да се зголемат цените на акциите со наградување на инвеститорите со готовина само за чување на акциите – но тие се широко критикувани за вештачки надувување на цената на акциите без трошење на вработените или подобрувања на основната дејност.
Откако во четвртокот компанијата објави соопштение во кое се вели: „Ние имаме намера да плаќаме готовинска дивиденда на квартална основа во иднина“, акциите на Мета пораснаа за повеќе од 14% во тргувањето после работното време во четвртокот.
„Годината на ефикасност“ на Мета, која Цукерберг ја објави во февруари минатата година вклучуваше таканаречена Стратегија за пресврт и таа содржеше отпуштања на илнадници вработени и други кратења на трошоците, што на крајот беше зачудувачки успешен напор да се поништи падот на приходите од претходната година и слабоста на цената на акциите.
Мета достигна голема пресвртница во четвртокот бидејќи стана првата во својата генерација на технолошки еднорози – компанија чија вредност достигнува 1 милијарда долари пред да излезе на берзата – што објави дека ќе им плати на акционерите дивиденда, поставена на 50 центи по акција. „Имавме добар квартал додека нашата заедница и бизнис продолжуваат да растат“, рече извршниот директор на Мета, Марк Закерберг во изјавата.
Резултатите од четвртиот квартал на Амазон, исто така, ги надминаа очекувањата со продажба од 170 милијарди долари, со што акциите се зголемија за дури 9 отсто.
И двата технолошки гиганта, Мета и Амазон изминатата година беа насочени кон агресивно намалување на трошоците, при што технолошките гиганти отпуштија околу 48.000 вработени меѓу нив од 2022 година.
Силните перформанси на технолошките титани додадоа 280 милијарди долари на американските пазари во четвртокот, при што S&P500, NASDAQ Composite Index и Dow Jones Industrial Average се затворија со висока нота.
Подоброто од очекуваното прикажување на Мета и Амазон во четвртиот квартал е светла точка во нерамниот почеток на 2024 година во услови на зголемена контрола од американските регулатори за загриженоста за безбедноста на интернет и наводните антимонополски прекршувања.
Другиот технолошки гигант Apple, исто така, ги надмина очекувањата со своите резултати во четвртиот квартал во четвртокот, но неговата акција падна за 3,3 отсто поради падот на продажбата на iPhone од 13 отсто во Кина, каде локалните брендови ја соборија некогаш доминантната позиција на пазарот.
Матичната компанија на Google Alphabet во вторникот ги објави финансиските резултати за четвртиот квартал кои ги пропуштија прогнозите на аналитичарите, со што акциите беа намалени за повеќе од 6 отсто.
