Аналитика
Успехот на една компанија не се мери само преку бројки, резултати и раст. Тој се мери и преку луѓето кои секојдневно ги создаваат тие резултати.
Токму затоа MINT Fintech Group и оваа година ја организираше традиционалната „Ноќ на оскарите“, настан посветен на вработените кои со својата посветеност, професионалност, креативност и тимски дух оставиле значаен белег во работењето на компанијата во текот на 2025 година.
Во рамките на свеченоста беа доделени признанија во повеќе категории, а за Менаџер на годината беше прогласена Елена Матеска.
Годишните признанија за 2025 година ги добија:
* Елена Матеска – Менаџер на годината
* Ивана Талевска – Личност на годината во Back Office
* Виктор Дамчевски – Личност на годината во сектор Продажба
* Правна служба – New Star
* Александар Сирета – Креативна личност на годината
* Ангела Димовска – Минтист на годината
* Валдета Мусаи Фејзуловска – Минт Тимски играч
* Виолета Ѓорѓиевска – Омилена колешка на годината
Посебно место во програмата имаа и признанијата за работен јубилеј. Дијаманти за пет години лојалност, професионален развој и придонес во растот на компанијата добија Орхан Максудов, Ева Ружин, Јане Ангелевски, Анита Цветковска, Даниела Тодорова, Емилија Добрушевска, Васко Донески, Александар Угриновски и Дијана Трајковска.
На настанот беше доделен и посебен Орден за храброст на Светлана Сотировска, признание кое симболизира сила, истрајност и личен пример што инспирира.
Од компанијата велат дека „Ноќ на оскарите“ претставува повеќе од традиција, таа е дел од корпоративната култура на MINT и начин да се оддаде признание на луѓето кои стојат зад секој реализиран проект, секоја иновација и секој деловен успех.
„Компаниите можат да инвестираат во технологии, процеси и инфраструктура, но нивната вистинска вредност секогаш се луѓето. Затоа оваа вечер е посветена токму на нив, на оние кои секојдневно ја градат приказната на MINT“, истакнаа од компанијата.
Со повеќе од една деценија континуиран раст и развој, MINT Fintech Group продолжува да инвестира во својот најважен капитал – луѓето.
