Аналитика
Сигурно многумина од вас го користат минатогодишниот врвен Galaxy Z Fold5 телефон на преклоп кој дефинитивно се покажа дека е создаден за беспрекорна продуктивност, и беше одлично прифатен особено од корисниците во бизнис секторот. Неговите иновативни функции, а особено карактеристиката на отклопениот екран кој може да го замени во моментот вашиот таблет, па дури и лаптопот, го направија да биде вистински бизнис асистент и кога сте во движење. Но, што е со најновите функции со вештачка интелигенција (Galaxy AI) кои Samsung оваа година премиерно ги претстави во своите најнови телефони?
One UI 6.1 ви ги донесува функциите со вештачка интелигенција!
Со најновото ажурирање на оперативниот систем One UI 6.1 на вашиот Fold5 сега можете да имате пристап до Galaxy AI функциите. Можеби најатрактивната функција за која сите зборуваа – Circle to Search (Пребарување со заокружување) ви е сега на располагање: Доколку забележите нешто за што ви треба објаснување, можете брзо да добиете одговор, дури и без да ја напуштите страницата! Само заокружете со прстот и за миг добивате генерирани од Google резултати за она што го барате. Потоа, ја имате ВИ алатката за совршена пишана комуникација со функцијата Chat Assist (Помош за разговор) која ќе ви овозможи превод на пораки, е-пошта и друга содржина во реално време, како и да го усовршите тонот на разговорот, за комуникацијата да звучи попрофесионално! Сега можете да одговорите на порака на вашиот јазик која автоматски ќе биде преведена за другата страна, и тоа со тон каков што сакате да има вашата комуникација – професионалн, опуштен или пријателски.
Исто така, ова најново ажурирање на One UI 6.1 на вашиот Galaxy Z Fold5 кој е особено прикладен за извршување на секојдневните работни обврски, ви ги донесува и извонредните можности за запишување на вашите мисли или правење список со задачи со опцијата Note Assist (Помош за белешки) која ги скратува записите и го обликува текстот. Благодарение на вештачката интелигенција, вашиот екран, покрај тоа што кога е расклопен може да го замени вашиот таблет, па дури и лаптоп, дополнително станува организиран и лесен за прегледување. За гласовни снимки, опцијата Transcript Assist (Помош за транскрипција) користи „говор во текст“ за транскрипција, сумирање, па дури и преведување на снимките на други јазици. Впрочм, сите овие функции со вештачка интелигенција кои ќе можете да ги имате и на вашиот телефон на прклоп се создадени да ја направат вашата секојдневна комуникација интуитивна, полесна и поинтересна.
Одличните камери на вашиот Fold5 сега засилени и со функции со вештачка интелигенција
Веќе фантастичните можности на камерите кај вашиот телефон на преклоп, сега со Galaxy AI функциите за фотографирање со вештачка интелигенција овозможуваат дополнително подобрување. Сите веќе направени фотографии може да ги направите уште подобри со користење на функциите Edit Suggestion (Предлози за уредување) и Generative Edit (Генеративно уредување). Првата ќе се погрижи самиот уред да ги предложи најдобрите корекции на фотографиите, а со генеративно уредување ќе можете да ги отстраните елементите што го одвлекуваат вниманието од фотографијата, од луѓе до рефлексии.
Возбудливи можности ве очекуваат со Galaxy AI функциите со вештачка интелигенција, кои истовремено ќе ви ја поттикнат и креативноста и дополнително ќе го инспираат вашето секојдневно мобилно искуство.
Повеќе информации за телефонот на преклоп Galaxy Z Fold5 прочитајте на следниве линкот:
https://www.samsung.com/mk/smartphones/galaxy-z-fold5/
