Аналитика
Шпаркасе Банка Македонија ги иззвестува своите ценети клиенти пензионери, дека, пензиите за месец јануари ќе се исплатат предвреме почнувајќи од 26 јануари 2021 година во четири групи.
Со пензиите можете да располагате веднаш, доколку користите дебитни картички за подигнување на готовина од банкомат. Ви препорачуваме да ја користите широката мрежа од 120 банкомати на Шпаркасе Групацијата (банкоматите на Шпаркасе Банка Македонија и Охридска банка) кои се достапни во Република Северна Македонија или да плаќате безготовински при пазарење кај трговците, информираат од Банката.
Клиентите кои не користат платежни картички, ќе можат да ја подигнат пензијата преку шалтер во експозитурите на Банката согласно следниот распоред на исплата, кој е составен во 4 групи според висината на пензијата:
- 26 – ти јануари 2021 година, пензии со висина до 11.000 денари
- 27 – ти јануари 2021 година, пензии со висина 11.001-14.000 денари
- 28 – ми јануари 2021 година, пензии со висина 14.001-18.000 денари
- 29 – ти јануари 2021 година, пензии со висина над 18.001 денари.
Подигнувањето на готовина од банка ќе се врши исклучиво според наведениот редослед и корисник со висина на пензија која не е на распоредот нема да биде опслужен!
Од Банката Ви препорачуваат, средствата кои се на располагање на Вашите сметки да ги подигнувате со дебитните картички преку банкомати на Шпаркасе Банка Македонија и Охридска банка, на кои подигнувањето е без провизија. За поголема заштита на Вашето здравје, Ве упатуваат за намалена посета на експозитурите и избегнување на чекање редови на шалтерите. Клиентите кои имаат платежни картички може да си ги користат директно на продажните места, како и да ги користат услугите за електронски плаќања преку електронското банкарство NetBanking и мобилното банкарство S-Banking.
Доколку сепак се одлучите да ги подигнете средствата преку шалтерите во експозитурите на Банката, Ве замолуваат да се придржувате кон препораките за дезинфекција на рацете, посебниот режим за влез на најмногу 2 лица во експозитурата, како и одржување на минимално растојание од 2 метри од останатите клиенти.
