Рајанер бележи рекорден раст на патниците во ноември

Водечката европска нискобуџетна авиокомпанија Рајанер во ноември превезла 13 милиони патници, што претставува зголемување од 11 отсто во споредба со истиот месец лани.

Компанијата одржува висок фактор на оптоварување од 92 проценти, што укажува на постојана побарувачка за нејзините летови низ Европа.

Во ноември, Ryanair реализираше повеќе од 73.750 летови, што дополнително ја потврди лидерската позиција на пазарот на нискобуџетни авиокомпании, пренесува Biznis.rs.

На годишно ниво компанијата превезла вкупно 196,1 милиони патници во последните 12 месеци, што претставува раст од осум проценти во однос на претходниот период. Факторот на искористеност за истиот период остана на високо ниво од 94 проценти.

Како што се наближува сезоната на празнични патувања, Ryanair очекува дополнителен раст на бројот на патници, што може дополнително да ги подобри резултатите на компанијата во остатокот од годината. Стабилниот раст на бизнисот и рекордните резултати месец по месец ја потврдуваат доминацијата на Ryanair на пазарот на евтини летови.