Аналитика
Првиот човек на Управата за јавни приходи Елена Петрова во поткастот „Каде се парите? со Горан Теменугов“ вели дека откако дола на функцијата наследила стари побарувања за поврат на Данокот на додадена вредност (ДДВ) кон фирмите. Таа истакна дека откако е на функцијата, од .0.07.2024 година кон фирмите се вратени на име ДДВ 118 милиони евра, но дека исплатата не оди по автоматизам и без проверки како претходно, туку се чешлаат барањата на фирмите, па ако се е чисто, се исплаќаат парите.
„Повратот тече континуирано. Во периодот од 1 јули од моментот кога јас сум дојдена на директорската позиција имаме реализирано поврат од 118 милиони евра. Тоа е динамична материја. Има уште за одобрен поврат кој се подготвува да се достави на реализација. Сега би сакала да се вратам на прашањето за доцнењето на реализацијата. Сакам да кажам дека бројките за реализација на повратот ние имаме од претходно. И тоа сега пак ќе ви го потврдам со аргументи. Со состојба на 31 август имаме 1,7 милијарди денари поврат или нешто над 27 милиони евра поврат којшто е доспеан во претходните години – 2020-2023 и 2024та се до пријавите за месец мај којшто не бил ниту одобрен, ниту реализиран претходно. Значи над 27 милиони евра. Понатаму ако ја гледаме реализацијата само во 2024та година, да не се враќаме во претходните години, значи она што доспеало за поврат во првите шест месеци, од јануари до јуни изнесува 288 милиони евра, а во истиот период е реализиран поврат од 326 милиони евра. Зошто е реализиран повеќе одошто е доспеан? Затоа што не бил реализиран навреме… кога доспеал за враќање, односно претходно е реализиран повратот со задоцнување, односно од претходно се влечел, оставено е со состојба на 30.06. уште неодобрен, нереализиран од претходните пет години и ние сега ги обработуваме и тие побарувања и ги обработуваме и тековните пријави. …“
Гледајте не и секако притиснете „subscribe“ на нашиот Јутјуб канал кој може најлесно да го најде ако во пребарување на кирилица напишете ПАРИ.
Премиерите на епизодите се секој четврток во 12.00 часот точно на пладне, додека потоа може да не гледате кога и да посакате.
Сите содржини се бесплатни, а реализирањето е потпомогнато од пријателите на „Каде се парите? со Горан Теменугов“ кои препознаа дека со поддршката на еден ваков проект се засилува одбраната на јавниот интерес и можноста сите чинители во општеството да имаат можност да одговорат, но и да дебатираат за сите актуелни и релевантни прашања.
