Аналитика
Германската авиокомпанија Луфтханза Груп објави дека, и покрај мерките за штедење, минатата година забележала нето загуба од 6,7 милијарди евра поради пандемија што доведе до ограничувања на глобалното патување.
Во соопштението на групацијата Луфтханза се вели дека приходите на компанијата, кои во 2019 година изнесуваат 36,42 милијарди евра, биле 13,6 милијарди евра минатата година, што е за 63 проценти помалку.
Германската авиокомпанија оствари профит од 1,2 милијарди евра во 2019 година, а минатата година, нето загуба од 6,7 милијарди евра.
Прилагодената добивка пред каматата и даноците, главниот показател за заработката на компанијата, која изнесуваше 2,03 милијарди евра во 2019 година, минатата година се претвори во загуба од 5,45 милијарди евра.
На крајот на 2020 година, групацијата Луфтханза имаше ликвидност од 10,6 милијарди евра.
Вкупниот број на патници на „Луфтханза“ во 2020 година, падна за 75 проценти во споредба со претходната година.
Луфтханза беше пред банкрот поради пандемијата, но Владата на Германија во јуни 2020 година ја спаси авиокомпанијата од банкрот со пакет за поддршка од девет милијарди евра.
