Аналитика
Билјана Ивановска, поранешната претседателка на Антикорупциска, во поткастот „Каде се парите? со Горан Теменугов“ жестоко ја критикува неказнивоста за големите трагедии. Таа нагласува дека ниту за „Беса Транс“, ниту за Ласкарци никој не одговараше, иако доказите за одговорност се јасни.
„Дали имаме казнивост во овој период? Немаме казнивост. Ниту за тој, ниту за модуларната ислезе како што треба, ниту за Ласкарци. Ова се сѐ каде што имало смртни случаи. Нема казнивост. И не само за тоа. Нема казнивост и за други поголеми, што беа скандалозни афери, сѐ уште нема казнивост. Значи, неказнивоста, односно невладењето на правото е еден од сериозните ризици од корупција. Да се вратиме сега конкретно на предметите, што се однесува до предметот „Беса транс“? Знаете дека тоа беше предмет на наше работење во претходниот состав. И од прибраните документи, дојдовме до заклучок дека инспекторите, односно службените лица од Бирото за јавна безбедност, излегле на терен и во сервисот за технички преглед констатирале дека не ги исполнува условите за да врши технички преглед поради тоа што има несоодветен кадар, нестручен кадар и невработен кадар.“
Гледајте нѐ и притиснете „subscribe“ на каналот ПАРИ. Премиерите се секој четврток во 12.00 часот. Сите содржини се бесплатни и овозможени од пријателите на поткастот кои поддржуваат јавна дебата и транспарентност.
