Групацијата НЛБ ги потпиша принципите за одговорно банкарство

НЛБ стана потписник на принципите на Обединетите нации за одговорно банкарство, и со тоа им се придружија на претходните потписници (повеќе од 180 банки од целиот свет). Ова е единствена рамка за одржлива банкарска индустрија, развиена во иновативно партнерство помеѓу банките и Обединетите нации. Како матична банка на групацијата, НЛБ ги потпиша принципите за одговорно банкарство на Обединетите нации и сите членови на групацијата НЛБ, која работи во регионот на Југоисточна Европа.

„Важен дел од мисијата на НЛБ Групацијата, покрај грижата за клиентите преку посветеност, знаење и иновативни решенија, е да создаде подобар живот и подобра иднина за целиот регион во кој работи. Групацијата НЛБ цврсто верува дека може да обезбеди додадена вредност на клиенти, вработени и истовремено на целата компанија, поради што тргна по патот на интензивна интеграција на одржливоста во својот бизнис“, велат од НЛБ.

Принципите на одговорно банкарство ја дефинираат улогата и одговорноста на банките во обликувањето на одржлива иднина. Во исто време, тие помагаат во усогласувањето на целите на банките со целите за одржлив развој на ООН и Парискиот договор за климатски промени од 2015 година. Исто така е важно да се охрабри банката да ја интегрира одржливоста во сите свои деловни области и да утврди како таа најдобро може да придонесе за одржлив свет. Ова отвора нови деловни можности за целата групација НЛБ.