Аналитика
Друштвото за осигурување ЕУРОСИГ АД Скопје преку соопштение на Македонска берза ја известува јавноста за извршена промена на назив врз основа на претходно добиено решение од Агенцијата за супервизија на осигурувањето за издавање согласност за промена на називот од 24.9.2019 година.
Новиот назив на Друштвото гласи: Акционерски Друштво за осигурување ГРАВЕ НЕЖИВОТ Скопје застапувано од Генералниот директор и Претседател на Управен одбор, Марко Микиќ со адреса на: ул. Пиринска бр.23 влез 1, кат 5, 1000 Скопје.
На 3.10.2019 година цо Централен регистар се упишани 5.859 обични акции. Вредноста на една акција изнесува 1.000 евра во денарска противвредност. Основната главнина на Друштвото изнесува 5.859.000 евра во денарска противвредност.
На 3.10.2019 година разрешени се досегашните членови на Надзорниот одбор и избрани се новите членови на Надзорниот одбор:
- Отмар Едерер – Претседател на Надзорен одбор
- Христоф Цетел – Член на Надзорен одбор
- Зоран Лучиќ – Член на Надзорен одбор
Сите останати податоци на Друштвото остануваат непроменети.
