Аналитика
Претседател на Федералните резерви на САД, Џером Пауел, на панел дискусијата за дигитално банкарство организирана од Банката за меѓународни порамнувања рече дека крипто-валутите остануваат нестабилни чувари на имот и дека Федералните резерви на САД не брзаат да им бидат конкурент на нив.
Пауел истакна дека крипто-валутите се многу нестабилни и дека тие не се акции со корисна вредност. Тој додаде дека тие се „повеќе шпекулативни средства кои во основа се замена за златото, а не за доларот“, пренесува CNBC.
Патем, во последните неколку години, Фед работи на сопствен систем на плаќање, што треба да овозможи побрз трансфер на пари, а презентацијата на финалниот нов производ веројатно треба да се случи во следните две години.
Покрај тоа, Федералните резерви спроведоа и други истражувања за тоа дали дигиталните пари од Федералните резерви на САД ќе бидат потребни или практични.
Патем, крипто-валутите значително ја зголемија својата вредност во последните седум месеци како резултат на големото зголемување на трговската активност и зголемувањето на прифатеноста во финансиската индустрија.
Пауел посочи дека може да се очекува од ФЕД да работи со големо внимание и транспарентност на развојот на дигиталната валута на централната банка. Инаку, Банката на федерални резерви минатата година склучи партнерство со МИТ (Институт за технологија во Масачусетс) во повеќегодишна студија за развој на дигиталната валута на централната банка. Работата се очекува да трае две до три години, но студијата се фокусира повеќе на хипотезата за криптовалутата спонзорирана од централната банка, наместо на директната примена.
Пауел истакна дека Конгресот веројатно ќе мора да донесе некаков вид законска регулатива пред ФЕД да продолжи со воведување на сопствена крипто валута. Тој истакна дека пандемијата ја нагласи важноста од развој на подобри системи за плаќање за да можат парите побрзо да стигнат до оние на кои им се потребни.
