„Визер“ привремено откажува 36 летови во регионот

Ниско буџетната унгарска авио-компанија „Визер“ во текот на зимскиот период привремено ќе откаже 36 линии во земјите од регионот.

„Од аеродромот во Тузла ќе бидат прекинати дури осум линии, а „Визер“ ја откажа својата единствена линија кон Словенија“, објави синоќа порталот Klix.

Последниот лет годинава меѓу белгискиот град Шарлороа и Љубљана е закажан за 24 октомври, а летовите се очекува да бидат повторно воспоставени во март следната година.

Претходно, „Визер“ откажа четири линии од аеродромот „Тузла“, а сега откажува уште четири линии до Берлин, Келн, Баден и Ваџо.

Овие летови треба да бидат повторно активирани во март 2021 година.  Унгарската компанија исто така привремено го прекина летот од Сараево до Будимпешта, но тој треба да биде воспоставен на 2 октомври.