Аналитика
До крајот на декември акционерите на „Усје ќе го добијат првиот дел, односно авансот на дивиденда од остварената добивка во периодот од јануари до септември годинава. Сумата што ќе ја поделат е во бруто износ од над 22 милиони евра. Одлуката е донесена од страна на Одборот на директори.
Деветте месеци од годинава компанијата ги одработила со добивка од 1.538.476.213 денари или 25 милиони евра. Оттаму и потегот на менаџментот постигнатиот успех да се сподели со акционерите. Кои, за акција ќе добијат по 2.404 денари.
„За периодот јануари – септември 2024 година да се распредели аванс на дивиденда за акционерите во бруто износ од 1.355.336.736,00 денари над 22 милиони евра, односно 2.404,00 за една акција“, наведено е во одлуката на Одборот на директори.
Исто така, се посочува дека последен ден на тргување со право на аванс на дивиденда за овој период е 25 декември, а прв ден на тргување без тоа право – на 26 декември.
Датумот, пак, на евиденција според кој се определува листата на акционери со право да го добијат авансот е 27 декември.
