Samsung ги претставува проекторите The Premiere 9 и The Premiere 7 носејќи најсовремена ласерска технологија во дневната соба

Samsung Electronics го најави претставувањето на своите најнови иновации во домашната забава – проекторите The Premiere 9 и The Premiere 7. Овие проектори со исклучително кратко растојание на проекција, дизајнирани да понудат непроценливо искуство на гледање, го трансформираат секој животен простор во врвно домашно кино со неверојатна 4K резолуција, импресивен звук и други напредни функции.

„Линијата The Premiere го редефинира искуството на врвно домашното кино со комбинирање на нашата напредна ласерска технологија со најсовремени функции прилагодени за корисниците кои нудат неверојатен квалитет на слика и импресивен звук“, рече Чеолги Ким (Cheolgi Kim), извршен потпретседател на одделот за визуелни екрани во Samsung Electronics. „Додека продолжуваме да иновираме, ние замислуваме иднина во која нашите производи го трансформираат секојдневниот животен простор во имерсивен центар за забава, поставувајќи нови стандарди за домашната забава.“

Неспоредлив квалитет на слика и звук

Најновата линија The Premiere на Samsung ја задоволува зголемената побарувачка за висококвалитетни решенија за забава, користејќи најсовремена ласерска технологија за да го донесе кино искуството директно во домовите. The Premiere 9 користи тројна ласерска технологија за подобрена прецизност на боите и осветленост, додека двата модели нудат исклучително кратко растојание на проекција и живописна 4K резолуција на екрани до 130 инчи.[1]

Живописната 4K резолуција на The Premiere и извонредната прецизност на боите ја оживуваат секоја сцена. Проекторите The Premiere 9 и The Premiere 7 обезбедуваат покриеност на опсег на бои од 154% и 100% со DCI-P3 стандард[2], соодветно, додека двата модела поддржуваат HDR10+ за јасни и живи слики – дури и во светли околини. Со максимална осветленост од 3450 ISO лумени[3] за The Premiere 9 и 2500 ISO лумени за The Premiere 7, овие проектори испорачуваат остри и динамични визуелни содржини.[4]

За понатамошно подобрување на квалитетот на сликата, проекторите The Premiere се опремени со иновативни ВИ подобрувања на сликата, вклучувајќи ги функциите AI Upscaling и Vision Booster. AI Upscaling обезбедува содржината да се прикажува во неверојатна 4K резолуција, без разлика на оригиналниот квалитет, додека Vision Booster автоматски ги прилагодува осветленоста и контрастот во различни услови на светлина за оптимален квалитет на сликата.

Вградените звучници со Dolby Atmos технологија во двата модели обезбедуваат моќен и имерсивен звук, создавајќи вистинско домашно кино искуство без потреба од дополнителна звучна опрема. The Premiere 9 има 40W 2.2.2 канални up-firing звучници, додека The Premiere 7 вклучува 30W 2.2ch звучници за широка звучна купола.

Оперативниот систем Tizen OS Home на Samsung носи стриминг и гејминг со широка поврзаност

Новите проектори The Premiere доаѓаат со оперативниот систем Tizen OS Home на Samsung, нудејќи пристап до широк спектар на стриминг услуги, вклучувајќи Samsung TV Plus, Netflix, YouTube, Amazon Prime Video и повеќе. Со оваа опсежна селекција, корисниците можат да уживаат во своите омилени филмови и ТВ серии, обезбедувајќи сеопфатно забавно искуство со само еден клик.

За љубителите на гејмингот, Samsung Gaming Hub[5] нуди непречено гејминг искуство. Корисниците можат да уживаат во игри без потреба од конзола, пристапувајќи до широк избор на игри базирани на клауд технологија директно преку проекторот.

За оние кои сакаат да создадат прилагоден ентериер, функцијата Прилагоден амбиент (Custom Ambient) нуди персонализирани домашни декорации проектирајќи различни виџети во животниот простор. Корисниците можат слободно да комбинираат фотографии, видеа и виџети преку апликацијата SmartThings на своите мобилни телефони.

Дури и кога не се користи како целосен кино проектор, The Premiere обезбедува удобност и забава за сите корисници како Паметен звучник (Smart speaker) со контрола на глас без користење на раце и различни музички апликации.

Новите проектори The Premiere, исто така, ја подобруваат поврзаноста, обезбедувајќи беспрекорно и интегрирано забавно искуство. Корисниците можат без напор да споделуваат содржина од своите паметни телефони на големиот екран со функциите Tap View и Пресликување (Mirroring), додека вградената поддршка за гласовен асистент овозможува лесна контрола на проекторот и други поврзани уреди со едноставни гласовни команди. Дополнително, интеграцијата на платформата SmartThings на Samsung им овозможува на корисниците да управуваат со паметните домашни уреди како што се светилките, термостатите и безбедносните системи од проекторот, создавајќи целосно интегриран домашен простор.

Дизајн што се вклопува во секој домашен амбиент

Проекторите The Premiere имаат минималистички дизајн во топла бела боја со заоблени рабови и врвна завршна обработка од ткаенина од Kvadrat, данска компанија за дизајн на ткаенини, која беспрекорно се вклопува во секој домашен декор. Компактната големина и лесната инсталација ги прават проекторите идеален избор за секоја просторија, максимизирајќи ги функционалноста и естетиката.

Инсталирањето на кој било модел од The Premiere е едноставно – корисниците само треба да го вклучат проекторот и да се поврзат на безжична мрежа. Можностите за исклучително кратко растојание на проекција ја елиминираат потребата од сложени инсталации, овозможувајќи им на корисниците да уживаат во проекции на голем екран со минимален напор.

Новите проектори The Premiere 9 и The Premiere 7 се веќе достапни за купување во официјалната онлајн продавница на Samsung и на избрани малопродажни локации во САД, Канада и Кина. Продажбата ќе продолжи и во други региони подоцна оваа година. За повеќе информации, ве молиме посетете ја страницата на Samsung.

Иднината во вашиот дом со апаратите за домаќинство од Samsung

За Samsung Electronics

Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизорите, паметните телефони, носивите уреди, таблетите, апаратите за домаќинство, мрежните системи и меморија, LSI системите, полуспроводниците и LED решенија и обезбедува беспрекорно поврзано искуство низ својот SmartThings екосистем и отворената соработка со партнерите. Најнови вести на Samsung Newsroom: http://news.samsung.com/mk/.

[1] The Premiere 7 обезбедува 4K висока резолуција на екрани до 120 инчи.

[2] DCI-P3, познат како Digital Cinema Initiatives – Protocol 3, е опсег на бои што обично се користи во дигиталното кино и е стандарден опсег на бои за филмската индустрија.

[3] ISO лумени е нивото на осветленост базирано на стандардите на Меѓународната организација за стандардизација (ISO).

[4] Нивото на осветленост за The Premiere 9 (3450 ISO лумени) и за The Premiere 7 (2500 ISO лумени) одразува приближни зголемувања од 23% и 14% во однос на претходните модели (2800 ANSI лумени и 2200 ISO лумени). Вистинските перформанси може да варираат во зависност од условите на користење.

[5] Достапните игри и содржини може да варираат според земјата и моделот и се подложни на промени без известување. Одредени игри бараат посебен контролер. Може да биде потребна интернет конекција и претплата. Потребна е сметка на Samsung.

Комерцијален текст