Комерцијална банка вработува помлад соработник за администрирање кредити и гаранции со почетна плата од 28.670 денари

На скопска Комерцијална банка и е потребен помлад соработник за администрирање кредити и гаранции. Оттаму ветуваат пријатна средина во која се ценат личните вредности и каде што можат да се остварат професионалните цели и активно да се учествува во модерниот развој на банката.

Работнатна позиција: Помлад соработник за администрирање кредити и гаранции (Back Office)

Тип на вработување: На определено време од 12 месеци

Работно време: 40 часа неделно

Почетна основна нето-плата: 28.670,00 денари

Огласот важи до 09.04.2023 година

За оваа позиција се предвидени следните работни цели и задачи:

• Oтворање кредитни партии, доделување каматна група и задолжување на кредитите;
• Изготвување амортизациони планови и испраќање на комитентите;
• Книжење на задолжувањата и раскнижување на извршените уплати од страна на клиентите согласно договорните одредби или согласно инструкциите од службеникот за односи со клиенти или непосредниот раководител за кредитните партии;
• Подготвување пресметки и книговодствени картици за тужење и стечај;
• Дефинирање партија за денарска гаранција, доделување каматна група и задолжување на гаранцијата;
• Книжење извршени уплати по основ на денарски гаранции;
• Пресметка и печатење каматни листи и доставување до комитентите;
• Изготвување налог, негова проверка и спроведување во случај на протестирање на денарска гаранција.

Потребни квалификации и способности:

• Завршено високо образование од областа на економските науки (предност ќе имаат кандидатите со насока: сметководство и ревизија);
• Познавање англиски јазик и MS Office алатки;
• Без работно искуство;
• Висок личен интегритет, доверливост и чесност;
• Прецизност во извршување на работните задачи;
• Ориентираност кон потребите на клиентите;
• Адаптибилност во динамична работна средина;
• Комуникациски вештини за работа во тим.

Придобивки за Вас:

• Пријатна и тимска работна атмосфера во современи работни услови;
• Обуки од ментори со висок степен на стручност и искуство;
• Можност за личен и професионален развој, стекнување нови вештини и компетенции;
• Доброволно приватно здравствено осигурување
• Учество во општествено одговорни и спортски активности, корпоративни настани, користење библиотека и сл.

Заинтересираните можат да пополнат апликација или да достават CV на [email protected] или на адреса: Сектор за човечки ресурси и општи работи, Комерцијална банка АД Скопје, ул.Орце Николов бр.3, 1000 Скопје, со назнака: „Oглас за вработување Помлад соработник за администрирање кредити и гаранции (Back Office)”.

Телефон за контакт: (02) 3168-467

На интервју ќе бидат повикани само кандидатите кои ќе влезат во потесен круг, а изборот ќе се изврши во рок од 45, 90 или 120 дена по истекот на рокот за пријавување, во зависност од бројот на пријавените.