Аналитика
Уредувањето на домот е вистинско уживање кога на едно место добивате богата понуда на мебел и атрактивни кредитни производи. Токму тоа ви го овозможуваат Комерцијална банка и Скопски саем на претстојниот Саем на мебел, кој се враќа со целата своја атрактивност и со саемските попусти.
Сѐ е подготвено за почетокот на Саемот на мебел 2023, а таму ве очекува разновидна понуда на кредитни производи од Комерцијална банка, согласно вашите желби и потреби. И, тоа не е сѐ бидејќи на специјалниот саемски штанд на Комерцијална банка ќе може да се информирате и да аплицирате за некој од кредитните производи.
Како партнер на годинашното издание на Саемот на мебел, кој ќе се одржи од 29 март до 2 април, Комерцијална банка се погрижи посетителите да добијат исклучителна можност за на едно место да го одберат своето идеално парче мебел и вистинското финансиско решение.
На Саемот ќе се претстават над 40 домашни и меѓународни брендови со богата понуда на мебел за дневни, спални и детски соби, трпезарии, кујни, купатила, но и на декоративни подлоги и елементи и секако на оригинални решенија за ентериерот.
Саемот на мебел започнува на 29 март и ќе трае до 2 април, со работно време од 10.00 до 20.00 часот, а ќе се одржи во Спортскиот центар „Борис Трајковски“.
