Комерцијална банка: Експозитурата „Автокоманда“ во Скопје ќе се реновира

Комерцијална банка АД Скопје ги известува клиентите дека од 8 април 2024 година експозитурата „Автокоманда“ во Скопје нема да работи поради реновирање. Нема да биде во функција и банкоматот во рамките на експозитурата.

На располагање на клиентите ќе им бидат експозитурите на Банката кои се наоѓаат во непосредна близина – „Ченто“, „Маџари“ и „Ист Гејт“.

Секако, клиентите може да ги извршат своите финансиски трансакции и преку дигиталните канали Интернет банка, мБанка, Garmin Pay и Google Pay, широката мрежа на банкомати и дигиталните експозитури на Комерцијална банка, кои им се на располагање 24/7.

Клиентите ќе бидат навремено известени за отворањето на модернизираната експозитура „Автокоманда“, во која ќе добијат не само широка палета на производи и услуги, туку и подобрено корисничко искуство.