Кинеските банки водат на листата на The Banker – ТОП 1000 најдобри банки во светот

Кинеските банки осамнаа на првите 4 места од рангирањето

Во топ 1000 најдобри банки во светот, Кинеската ICBC на прво место со вкупен капитал од над 337 милијарди амер. долари, China Construction Bank на второ место со капитал од 287 милијарди амер. долари, Agricultural Bank of China на третото место со капитал од околу 243 милијарди амер. долари, и Bank of China на четвртото место со капитал од околу 230 милијарди амер. долари. По нив следуваат четирите најдобри Американски банки, односно познатите JPMorgan Chase, Bank of America, Wells Fargo, и Citigroup. 10-то место е резервирано за Британската банка HSBC Holdings.

Рангирањето на ТОП 1000 банки во светот година го врши реномираното списание The Banker секоја година. За 2019, листата ја објави на почетокот на август во списанието. Додека анализите за банките се однесуваат на периодот јануари-мај 2019 заедно со завршната сметка за 2018 година.

Анализите се вршат по строги критериуми и ревизорските извештаи во согласност со Базелските стандарди и препораки на Банката за меѓународни порамнувања (БИС). Критериумите се поделени во 7 категории: финансиска моќ, големина, стабилност, профит, перфоманс, капитал, и ниво на усогласеност со Базел (1,2 и 3).

BNP Paribas од Франција се наоѓа на 13-то место, Goldman Sachs од САД на 16-то место, Morgan Stanley од САД на 21-то место, Deutsche Bank од Германија на 27-то место, Société Générale од Франција на 29-то место, Sberbank од Русија на 32-то место, UBS од Швајцарија на 40-то место.

Рангирање на банките од регионов

Од регионов, изразено во амер. долари, на 130-то место се наоѓа TC Ziraat Bankasi од Турција со вкупен капитал од 11 милијарди. На 151-то место се наоѓа Alpha Bank од Грција со вкупен капитал од 9,5 милијарди.  Nova Ljubljanska Banka од Словенија е на 553-то место со вкупен капитал од околу 1,6 милијарди. На 900-то место е First Investment Bank од Бугарија со вкупен капитал од 648 милиони. А на 965-то место е рангирана Komercijalna Banka Beograd од Србија со вкупен капитал од 553 милиони.

При изборот вкупно 152 банки од Кина се наоѓаат во ТОП 1000 најдобри банки во светот, додека од САД, рангирани се вкупно 190 банки. И од двете држави има по 18 банки во првите 100 банки во светот.

Рангирање според највисок процент на ненаплатливи кредити (НПЛ)

Интересни се податоците за НПЛ по однос на сите земени кредити од една банка. Водечката банка во оваа категорија е State Savings Bank од Украина со дури 52% НПЛ со вкупниот капитал од 7,8 милијарди амер. долари. Истата се наоѓа на 935-то место (со пад од 217 места во однос на 2018 година). Потоа следуваат Trade Bank од Ирак со 37% НПЛ и PrivatBank од Украина со 34% НПЛ.

The Banker има анализирано дури 2000 банки за да ја состави листата на 1000 најдобри банки во светот.