Аналитика
Во спектакуларен реванш одигран синоќа на „Парк де Пренс“, Пари Сен Жермен го совлада Арсенал со 2-1 и обезбеди пласман во финалето на Лигата на шампионите. Со вкупен резултат од 3-1, ПСЖ ќе се бори за европската круна на 31 мај во Минхен против Интер Милано.
Ефикасен ПСЖ, разочаран Арсенал
Парижаните поведоа преку Фабијан Руиз во 27. минута, а по промашениот пенал на Витинја, Ашраф Хакими го зголеми водството. Единствениот гол за Арсенал го постигна Букајо Сака во 76. минута, но премалку, премногу доцна. Арсенал испаѓа, а ПСЖ продолжува да сонува.
Милијарди и титули
Пари Сен Жермен е повеќе од фудбалски клуб – тоа е финансиски гигант. Со проценета вредност од 4,4 милијарди долари, највреден во Франција и седми во светот, ПСЖ зад себе има и моќен финансиски тим – Qatar Sports Investments и Arctos Partners, кои во 2023 влегоа со 12,5% сопственост.
Во сезоната 2023/24, ПСЖ оствари приходи од 805,9 милиони евра – трети по големина во Европа, по Реал Мадрид и Манчестер Сити.
Арсенал – модерна приказна, но без крајот што го посакуваа
Арсенал, проценет на 2,6 милијарди долари, имаше силна сезона и тим со вредност над 1,1 милијарда евра. Но, амбициите на лондонскиот клуб под водство на Артета не добија европски епилог оваа сезона.
Поглед кон Минхен
ПСЖ сега се подготвува за финалето со Интер, во меч што ќе биде повеќе од спорт – дуел на две силни фудбалски и економски машини. Финалето на 31 мај ќе донесе одговор на прашањето – дали конечно ПСЖ ќе ја исполни својата мисија и ќе ја подигне најпосакуваната европска титула?
Победникот на Лигата на шампионите во сезоната 2024/25 ќе добие 25 милиони евра како директна награда од УЕФА. Сепак, ова е само дел од вкупните приходи што клубот може да ги оствари преку натпреварувањето.
Потенцијални вкупни приходи
Вкупната заработка на победничкиот клуб може да надмине 100 милиони евра, земајќи ги предвид:
- Бонуси за победи и нерешени резултати во лигашката фаза: 2,1 милион евра за победа и 700.000 евра за нерешен резултат .
- Награди за достигнување на нокаут фазите: 11 милиони евра за осминафинале, 12,5 милиони евра за четвртфинале и 15 милиони евра за полуфинале.
- Бонуси базирани на пласман во лигашката фаза: дополнителни средства зависно од конечната позиција во лигашката фаза.
- Дел од „value pillar“ распределбата: 35% од вкупниот награден фонд се распределуваат според телевизиските права и историскиот коефициент на клубот.
Дополнителни бенефиции
Покрај финансиските награди, победникот ќе обезбеди учество во:
- Суперкуп на Европа: со можност за дополнителна награда од 5 милиони евра.
- Куп на Интерконтиненталната: ново натпреварување што ќе започне во 2029 година.
- Светско клупско првенство 2029: учество во глобалното натпреварување за клубови.
Со оглед на овие фактори, освојувањето на Лигата на шампионите не само што носи престиж, туку и значителни финансиски придобивки за клубот.
Р.П
