,,ПАРИ” ДЕНЕС: Нови кандидати за Надзорниот одбор на „Македонијатурист“: „М.Г. Фешн“ и „Промедика“ со свои предлози

На вонредното собрание на акционерите на „Македонијатурист“, закажано за 17 февруари, ќе се разгледуваат предлозите за нови членови на Надзорниот одбор од страна на акционерите „М.Г. Фешн“ и „Промедика“. Двете компании, како значајни акционери, предложија свои кандидати за ова управувачко тело.

Предлогот на „М.Г. Фешн“

„М.Г. Фешн“, која поседува 11,26% од акциите, предлага четворица кандидати:

• Леонид Антиќ – со диплома од Холандија во областа на Интернационална бизнис администрација, е оперативен менаџер во „Гранд Скопје“ и „М.Г. Фешн“.
• Стефан Спировски – бренд менаџер во „Филип Морис“ и дипломиран економист.
• Костадин Саздовски – магистер по машински науки и оперативен менаџер во „М.Г. Фешн“.
• Сашо Данаиловски – независен член, комерцијален директор во „Ривер Девелопмент“ и дипломиран градежен инженер.

„М.Г. Фешн“ ја нагласува компетентноста на предложените кандидати, истакнувајќи го нивното искуство и деловни успеси. На избраните членови им се предлага шестгодишен мандат со надомест од две просечни месечни плати за претседателот на Одборот, една за членовите и 90% од просечната месечна плата за независниот член.

Предлогот на „Промедика“

„Промедика“, акционер со 11,9% од акциите, достави листа со четири кандидати:

• Димитар Лузевски – финансиски менаџер и косопственик на секторот Медицина во „Промедика“.
• Горазд Поповски – правник, директор на Секторот за правни работи во „Стопанска банка Скопје“, предложен како независен член.
• Сашо Бошков – адвокат од Штип, магистер по економски науки.
• Маја Николовска – генерален директор на веледрогеријата „Промедика“ и магистер по бизнис администрација од London School of Business and Finance.

И „Промедика“ предлага надоместоци со исти услови како „М.Г. Фешн“, но истакна и барање акционерите да гласаат за секој кандидат поединечно.

Чекање на најголемиот акционер

Иако двата акционери излегоа со свои предлози, најголемиот акционер „Скопски пазар“, кој поседува 19,76% од акциите, сè уште нема доставено свои кандидати за Надзорниот одбор.

Собранието ќе донесе одлука за новиот состав на Надзорниот одбор, кој ќе има клучна улога во управувањето со хотелско-угостителската компанија „Македонијатурист“.

ЧИТАЈТЕ УШТЕ:

АНАЛИЗА НА ПАЗАРОТ НА ТРУДОТ: И покрај континуираното намалување на бројот на невработени, пазарот на труд во Македонија се соочува со парадокс: илјадници слободни работни места остануваат непополнети, додека илјадници лица бараат работа. Според најновите податоци од Агенцијата за вработување, во декември минатата година имало 96.828 активни баратели на работа, а дополнителни 44.118 лица се пријавени, но не се декларираат како активни. Во исто време, регистрирани се само околу 9.000 слободни работни места, што значи дека на секое работно место има повеќе од 10 невработени.

Образовна структура: Неподготвеност за пазарот на труд

Целата анализа е достапна на следниот линк https://pari.com.mk/nad-dve-tretini-od-tie-sto-baraat-rabota/

ОД ДЕНЕС ДРЖАВАТА Е ПОЗАДОЛЖЕНА ЗА НОВИ 66 МИЛИОНИ. Министерството за финансии на 10 јануари издаде две државни обврзници со вкупна вредност од 66,2 милиони евра, кои шест дена подоцна беа примени на котација на Македонската берза. Првата емисија од 11,9 милиони евра носи камата од 3,95%, додека втората, со вкупна вредност од 54,3 милиони евра, има каматна стапка од 5,6%. Долгот ќе се врати во различни рокови – дел до 2028, а остатокот во 2040 година.

Халкбанк АД Скопје е добитник на две награди од Global Banking & Finance Awards за 2024 година, кои ја потврдуваат нејзината посветеност на иновативноста, квалитетот и општествената одговорност.