Холандската пивара „Хајнекен“ објави планови за ослободување на скоро 10 проценти од работната сила по нагло опаѓање на продажбата поради вирусот. Според плановите, ќе бидат укинати 8.000 работни места, од кои некои се во седиштето на компанијата во Амстердам.
Директорот на Хајнекен, Долф ван ден Бринк, посочи дека 2020 година е година на „невиден пад на продажбата“. Би-Би-Си потсетува дека баровите се затворени во различни делови на светот, а некои држави, како што е Јужна Африка, воведоа привремени забрани за продажба на алкохол.