Аналитика
Сложена драма за политиката во светот на њујоршките високи финансии. Брилијантниот титан за хеџ-фондови Боби Акселрод Екс и јавниот обвинител Чак Роудс играат опасна игра каде што влоговите се бројат во милијарди.
Добитниците на „Еми“ и на „Златен глобус“, Пол Џијамати и Демијан Луис играат во комплексната драма за моќта во њујоршкиот свет на високите финансии. Во втората сезона на „Милијарди“, Боби Акселрод Екс (Демијан Луис) ги користи своите значителни ресурси за да му се одмазди на обвинителот Чак Роудс (Пол Џијамати). Потегот на Екс му наштетува на Чак кога тој се наоѓа под истрага и е присилен да се потпре на својата позиција и на семејството.
Иако серијата Милијарди не се базира на вистинска приказна, инспирација во градењето на карактерите на главните ликови се добро познати играчи во финансискиот свет.
Кликнете на МИЛИЈАРДИ за да го прегледате официјалниот трејлер за серијата, а во продолжение на текстот, во кратки црти, се опишани епизодите од првата сезона. Доколку сакате да ја изгледате серијата, тоа може да го направите преку HBOGO.MK каде имате 7 дена бесплатно, без договор и можност да откажете кога сакате.
Епизода 1. Чак се соочува со истрага од главниот обвинител. Екс го зајакнува „Екс капитал“ и ги разгледува своите можности за да го возврати ударот. Фондот се бори со економската ситуација што му се заканува на самото постоење на „Екс кап“. Венди добива понуда од еден ривалски менаџер на хеџ-фонд. Лара интервенира при итна ситуација во училиштето на нејзините деца.
Епизода 2. Екс има јавна кавга со еден ривалски менаџер на хеџ-фонд, па со помош од еден талентиран стажант започнува нова финансиска шема за да им наштети на конкурентите. Чак го впрегнува својот тим за да најдат брзо решение за неговиот статус кој е во опаѓање. Венди се справува со распит што може да доведе до катастрофа за Чак.
Епизода 3. Екс размислува за тоа да купи франшиза во НФЛ и наоѓа нов сојузник. Чак прави последен напор против еден банкарски титан, наоѓајќи нов кодош. Во меѓувреме, Венди има контроверзен настап на еден турнир на покер, придружувајќи го конкурентот на Екс како негова асистентка. Лара го започнува својот нов бизнис.
Епизода 4. Под притисок да направи напредок, Чак развива нова стратегија. Венди му помага на еден милијардер да оцени еден кандидат за специјален проект. Екс размислува да донира половина од своето богатство за добротворни цели. Новиот бизнис на Лара се соочува со конкурент. Во меѓувреме, Екс и Чак се заедно во соба за првпат од нивниот конфликт.
Епизода 5. Чак, Конерти и Сакер мораат да се потпрат на еден нервозен инсајдер кој сака да биде озвучен. Во меѓувреме, заработката на Екс е на удар, поради што мора да бара идеи за брза заработка. Венди ја открива својата страст за нејзината поранешна работа во „Екс капитал“ преку еден стар колега. Реалноста на бизнисот на Лара почнува да влијае врз нејзиниот брак.
Епизода 6. Екс преговара околу една продажба која е клучна за успехот на неговите обврзници. Венди носи професионална одлука што предизвикува дополнителен конфликт во нејзиниот однос со Чак. Кога пропаѓаат обидите да се постигне зделка со еден обвинет, обвинителството на Чак се соочува со несигурност. Ескалира напнатоста помеѓу Лара и Екс.
Епизода 7. Екс повикува состанок во Хемптонс по катастрофалните резултати на „Екс капитал“. Судбината на градот е во опасност додека Екс бара совет за тоа како најдобро да ги намали загубите. Чак има придобивка од една победа, но ја отуѓува Венди, што предизвикува двојката да го промени статусот на нивната разделба.
Епизода 8. Екс истражува кој бил зад пропаѓањето на зделката со „Сандикот“, но се соочува со голем отпор. Чак ископува валканици за еден политички ривал. Лара оди во „Сандикот“ за да ја ублажи напнатоста помеѓу градот и Акселродови. Венди му помага на Тејлор да реши еден проблем во „Екс капитал“. Чак и Сениор му прават услуга на еден моќен сојузник.
Епизода 9. Еден поранешен вработен му нуди на Екс инсајдерски информации, па тој размислува дали да ги искористи. Чак се соочува со надворешен притисок да отфрли една истрага. Лара планира голема роденденска забава за Екс, но открива дека ја лажел за својот однос со Венди. Чак сака да ја поддржи инвестицијата на Ајра и Сениор во една компанија, која тукушто ќе се соопшти јавно.
Епизода 10. Екс се справува со голем семеен проблем што ги вклучува Лара и децата. Чак ги разгледува потенцијалните проблеми во неговиот личен живот додека е под истрага. Венди се обидува да ја исправи неправдата што му ја нанела на Екс. На една вечера, Чак и Венди си се отвараат еден на друг.
Епизода 11. Чак открива дека влогот е многу голем во новата деловна зделка. И Сениор има многу инвестирано. Венди се справува со една позната и непријатна позиција, заробена помеѓу Екс и Чак.
Епизода 12. Екс добива вести од еден неочекуван извор дека е мета на правосудните органи. Додека Екс брзо дејствува за да се обезбеди, Чак ги средува последните аспекти од својата долга игра за да обезбеди победа. Лара ги користи своите ресурси за да го заштити тоа што е нејзино. Венди и Чак носат одлука за нивниот брак.
