Живко Мукаетов се стекна со уште 500 обични акции во Алкалоид

Алкалоид АД Скопје со ценовно чувствителна инфомација 

Алкалоид АД Скопје испрати известување до Македонската берза за хартии од вредност за промена на сопственост на член на Управен одбор и лица со посебни одговорности и овластувања.

Во известувањето стои дека Живко Мукаетов, Претседател на Управен Одбор и Генерален директор на Алкалоид АД Скопје, се стекна со 500 обични акции издадени од Алкалоид АД Скопје.

На денот на тргување, 27 август на Берзата една обична акција на Алкалоид АД Скопје чинела 9.800,46 денари со што Мукаетов за купување на истите одвоил околу 4.900.230 денари или околу 79.680 евра.