Аналитика
Само 1.336 акции во нетрговските трансфери и минатата недела може да се смета за потпросечна во овој сегмент. Активности имало само во текот на три работни дена, а најраздвижено било во понеделникот со 1.169 акции. Хартиите од вредност влезени во статистиката на Централниот депозитар за хартии од вредност се издадени од 13 компании и две банки.
Крајниот исход упатува на тоа дека од вообичаеното отстапување има и кај бројноста на трансферираните акции. Па овојпат челната позиција ја има „Макстил“ иако се работи за 419 обични акции.
„Либерти“ кој, спред податоците што ги објавува Македонска берза, изминатите седмици беше рекордер, сега е застапен со 389 обични акции.
Сопственоста на овој начин е сменета и кај 140 акции на „Жито Лукс“. Сите што следат понатаму не го минуваат прагот од сто акции.
Во минатонеделната евиденција тетовски „Тетекс“ е застапен со 82 обични акции, Фабриката „Карпош“ со 45, а градежникот „Гранит“ со 40 обични акции.
Следуваат ФЗЦ „11 Октомври“ АД Куманово со 14, „Уготур“ АД Скопје со 13 и РЖ „Интер-Трансшпед“ АД Скопје со 12 акции, сите обични.
Во нетрговскиот трансфер има и 10 обични акции на ТТК банка.
Комерцијална банка, пак, во статистиката е влезена на двапати, со вкупно 9 обични акции – 5 во понеделник и 4 во вторник. Кога освен оваа банка е запишана и „Аутомакедонија“ со пренос на 28 обични акции. Вкупно, на вториот ден од минатата недела во нетрговскиот трансфер имало 332 акции.
Бројката е поголема во четврток – 135. Составена е од нетрговски трансферираните 82 акции на струмичките „Оранжерии Хамзали“ и 31 на „Кланица со ладилник“, како и 22 обични акции на скопска „Окта“.
