Заврши мандатот на Јаневски и Ќемали во Надзорниот одбор на ТТК Банка

Арсен Јаневски и Трим Ќемали не се повеќе дел од составот на Надзорниот одбор на ТТК Банка. Мандатот им завршил на 18 месецов.

„ТТК Банка АД Скопје објавува дека заради истекот на мандатот заклучно со 18.3.2025 година, Арсен Јаневски и Трим Ќемали повеќе не се членови на Надзорниот одбор“, се вели во објавата споделена преку Македонска берза.

Надзорниот одбор на оваа банка го сочинуваат генералниот директор на „Тетекс“, Бобан Гоговски, кој е претседател на ова тело, академикот Владо Камбовски – заменик, Драгица Јовановска од „Тетекс“, Златко Черепналкоски од „Енерџи Деливери Солушнс“, Евгенија Трпкоска исто така од „Тетекс“ и професорот Михаил Петковски.