Аналитика
Глобалното затоплување предизвикува последици за целиот свет, но, некои региони, меѓу кои и Балканот, а со тоа и нашата земја, ќе бидат посебно жестоко погодени, велат научниците.
Истражувачите од MIT развија иновативен нов начин за мерење на влијанието на глобалното затоплување во реалниот живот, бидејќи повеќето луѓе, иако слушнале за климатските промени, тешко можат да замислат како нив лично и нивното опкружување ќе ги погоди глобалното затоплување од 1,5 Целзиусови или 2 Целзиусови степени во просек.
СЕ ПОМАЛКУ БЕЗБЕДНИ „ДЕНОВИ НА ОТВОРЕНО“
Користејќи податоци од 50 различни климатски модели, тие направија графикон кој мери колку бројот „денови на отворено“ или „пријатно време“ во различни дестинации низ светот ќе се зголеми или намали до 2100 година. Овие „денови на отворено“ се однесуваат на периоди од 24 часа кога температурите се доволно пријатни за повеќето луѓе да вршат активности на отворено, без разлика дали се работи или слободно време. Тоа се денови кога не е премногу топло или премногу студено, за кои научниците сметаат дека е приближно помеѓу 10 и 25 степени Целзиусови и не се случуваат екстремни временски настани.
Студијата на МИТ покажа дека тропските дестинации ќе ги видат најголемите промени во деновите на отворено. Доминиканската Република ќе го преземе најголемиот удар со губење на 124 дена удобно време годишно до крајот на векот. Мексико, Индија, Тајланд и Египет ќе изгубат половина од своите денови на отворено.
Истражувачите, исто така, укажуваат на јазот помеѓу Глобалниот Север, кој ќе добие повеќе денови на удобно време, и Глобалниот југ, кој ќе изгуби повеќе и покрај тоа што емитирал помалку стакленички гасови. Разликите во места како Бангладеш или Судан се впечатливи, велат тие.
Каде во Европа ќе изгуби најмногу „денови на отворено“ до 2100 година?
Поделбата Север-Југ во Европа е очигледна и кога станува збор за деновите на отворено. На север ќе има повеќе денови со удобно време бидејќи зимите се топли, на југ екстремните горештини во текот на летните месеци ќе предизвикаат намалување на бројот на денови на отворено.
ГРЦИЈА ЌЕ ЗАГУБИ ДУРИ 37 „ПРИЈАТНИ ДЕНОВИ“ ПОРАДИ КЛИМАТСКИ ПРОМЕНИ
Балканот ќе биде еден од најтешко погодените региони во Европа, според податоците на МИТ. Албанија ќе загуби 30 дена, Србија 26 дена, Хрватска 22 дена, Македонија 21 ден, Бугарија 17 дена, Косово 19 дена, а Романија 12 дена.
Малку подалеку на југ, Грција би можела да изгуби 37 денови на отворено до 2100 година поради екстремните горештини меѓу мај и септември, се вели во студијата на МИТ.
На Пиринејскиот Полуостров исто така ќе има промени со тоа што Португалија ќе доживее 33 помалку денови на отворено, а Шпанија 13.
Истражувачите велат дека нееднаквоста во Европа веќе се чувствува и луѓето избираат каде да патуваат врз основа на сè поекстремните жештини на претходно популарните дестинации.
Иако земјите во северна Европа најверојатно ќе добијат денови на отворено поради климатските промени, ниту тоа не е се добра вест.
Франција, Германија и Австрија ќе добијат меѓу 18 и 52 дена удобно време до 2100 година – најмногу поради потоплите зими. Ова би можело да биде фатален удар за европската скијачка индустрија во која веќе се бори.
