Компанија со 0 профит му донесе на сопственикот невидено богатство

49-годишниот Зуо Хуи го основал „KE Holdings“ со цел да донесе транспарентност на пазар на недвижнини во Кина,  каде што купувачите многу често се главно жртви на измама.

Фирмата користи алгоритми за вештачка интелигенција за да одговара на купувачите и продавачите. Акциите на оваа компанија, која стои зад платформата „Beike“, беа зголемени повеќе од три пати, што доведе до тоа Хуи да поседува богатство вредно 20,5 милијарди долари.

Тој е еден од 100-те најбогати луѓе во светот, според индексот на милијардери на Блумберг, но интересно е што „KE Holdings“ не оствари профит.

„Најтешкиот дел е тоа што кога правиш нешто добро и правилно, тоа честопати носи краткорочни жртви во економска смисла“,  рече тој неодамна.

„Beike“, има 226 милиони домови во својот систем и 39 милиони активни корисници месечно, преку мобилен телефон. „KE Holdings“ го користи националниот синџир на недвижнини за физички канцеларии, кој постои скоро две децении и е поврзан со двегодишна дигитална платформа.

Се чини дека нештата се одвиваат според планот. Нивната продажба се зголеми за 80 проценти, на 46 милијарди јуани минатата година, во споредба со 2017 година, а „Beike“ стана најголемата платформа во Кина за станбени трансакции и услуги – не е мал подвиг за пазар чии брокерски услуги за недвижнини може да се удвојат до 2024 година години.

Хуи е поддржан од некои од најпознатите азиски компании – SoftBank Group, Hillhouse Capital Group и Tencent Holdings.