Променете ги лошите финансиски навики

Датум на објава: 02.06.2020

Време зa читање: 2 минути

Доколку планирате да го проширите вашето семејство, или да купите нов стан, неопходно е да почнете да размислувате поинаку за финансиите, и за тоа како и на кој начин да направите профит. Пред се, потребно е да престанете да правите финансиски грешки, а ние ќе ви дадеме неколку совети кои ќе ви помогнат во тоа.

Најпрво организирајте ги сите сметки. Најдете место каде што ќе ви стојат и поделете ги на платени и неплатени. За уредите кои сте ги купиле со гаранција, чувајте ги сметките се додека не истече истата.

Пронајдете го лицето кое ќе ве извлече од кризата, кога ќе сакате да трошите пари на непотребни работи. Доколку дојдете до искушение, едноставно јавете му се на тој човек кој ќе ви каже дека навистина не треба да купите.

Прочитајте и ...  Германија ја зголемува минималната плата

Размислете за тоа што се  сте постигнале минатата година. Самите знаете дека во секоја одлука постои одреден ризик. Обидете се да се сетите како сте ја надминувале оваа криза, и тоа ќе ја направи сегашната ситуација помалку застрашувачка.

Поставете си правила на кои секогаш ќе се придржувате. На пример поставете си правило дека нема да купувате маици поскапи од 1.000 денари.

Заборавете на картичките. Се што ќе купувате плаќајте го во готово, затоа што не само што ќе имате чувство за тоа колку трошите, туку за една година ќе заштедите 20%, колку што изнесуваат каматите на кредитните картички.

Прочитајте и ...  Во Америка во јуни се отворени 4,8 милиони нови работни места

Отворете си трајни налози, за никогаш да не доцните со плаќање на обврските, и користете интернет банкарство за да ги избегнете провизиите.

Запишувајте ги сите трошоци. По еден месец, седнате и прочитајте го списокот за да видите на што трошите најмногу, и обидете се да најдете начин да ги намалите истите.

Создадете визуелни потсетници на вашите финансиски цели. Ставете слика со семејството, местото каде сакате да отпатувате или слика од автомобилот кој сакате да го имате.


Тагови: кредитни картички, навики, плата, ризик, финансиски грешки, финансиски навики,

Facebook профил: pari.com.mk

Инстаграм профил: pari.com.mk

@pari.com.mk

© Преземањето авторски содржини е забрането со закон. Преземањето на текстови и изјави во авторска сопственост на порталот pari.com.mk е дозволено делумно, со задолжителен хиперлинк до содржината која се пренесува. Секое преземање фотографија означена со лого, без претходна согласност со pari.com.mk, е строго забрането.


Сподели: