Аналитика
Сакаш да штедиш, но едноставно немаш навика да го правиш тоа. Многу млади тешко одлучуваат да почнат со штедење пари кои би им помогнале во иднина да инвестираат во нешто важно. Има повеќе причини кои ги обесхрабруваат младите да штедат одредена сума на месечно ниво. Ќе наброиме дел од нив:
❌ Недоволна финансиска едукација – голем број млади не знаат како да менаџираат со парите на ефикасен начин и на тој начин да одвојуваат одредена сума за штедење
❌ Краткорочно размислување – младите често даваат приоритет на моменталните потреби, како на пример да се купи ново парче облека, отколку на долгорочните планови
❌ Банкарските процедури – брзиот и динамичен начин на живот на младите не го прифаќа чекањето пред шалтери и пополнувањето формулари во банка
Иновативниот производ е-касичка на Халкбанк ги решава овие проблеми и им помага на младите да штедат брзо, лесно и без комплицирани банкарски процедури. Услугата е достапна за сите корисници на пакетот за млади Halk EZ кој е прилагоден на специфичните потреби на младите на возраст од 16 до 24 години.
КАКО ФУНКЦИОНИРА Е-КАСИЧКА?
Главната предност на е-касичка е што ти овозможува персонализирано и флексибилно штедење при секоја трансакција со твојата платежна картичка. Добиваш посебна штедна сметка која е поврзана со една или повеќе дебитни картички од Халкбанк (Mastercard Debit, Mastercard World Debit, Visa PayWave Electron и Visa Platinum). Секогаш кога ќе платиш на ПОС терминал или виртуелен ПОС терминал, дополнителен износ автоматски се префрла во твојата е-касичка. Има два начини на штедење:
- Заокружување на износот до најблискиот цел број (избор: 10, 50, 100, 200, 500 денари)
- Фиксен износ од секоја направена трансакција (избор: 10, 20, 50, 100 денари)
Да речеме купуваш смути кое чини 170 денари. При првата опција, од твојата картичка ќе се наплатат 200 денари, од кои 30 денари одат директно во личната е-касичка. Ако ја избереш втората опција со сума од 50 денари, од картичката ќе се наплатат 220 денари, а дополнителните 50 денари веќе се префрлени на твојата штедна сметка.
Едноставно – секоја трансакција е нова заштеда без да трошиш време, да правиш математика, да одиш во банка или да префрлаш пари од една на друга сметка.
