Централна кооперативна банка воведе најповолни промотивни услови на пазарот – за девизни дознаки во евра

Централна кооперативна банка АД Скопје воведе најповолни промотивни услови на пазарот – за девизни дознаки во евра спроведени преку TARGET2 односно за сите клиенти кои дозначуваат средства кон банки учесници во TARGET2 со опција SHA/BEN по тарифа со фиксни 250 МКД за дознаки реализирани преку CCB online/mobile или со фиксни 500 МКД реализирани преку Експозитурите на Банката.

Системот TARGET2 е платен систем на Еврозоната и негови членки се сите земји од Европската Унија и Европската економска област (European Economic Area EEA) – како директни учесници.  Како индиректни учесници вклучени се бројни други банки од Србија, Босна и Херцеговина, Албанија, Кина,Турција, САД и други држави, односно потенцијалот за спроведување плаќања е кон повеќе од 52 илјади банки во светот.

Кои се предности на плаќањата извршени преку системот TARGET2:

• Тарифата е најниска во однос на сите банки во Македонија – за извршување на EUR плаќања, само кон учесници на TARGET2,
• Во процесот нема коресподентски банки односно се избегнува подолгото време на процесирање,
• Плаќањето е брзо – во рок до  5 минути средствата се во банката на корисникот,
• Веднаш се спроведува порамнување со банката на корисникот, доколку истата е членка на TARGET2,
• Плаќањето е сигурно – се работи за Европски централизиран и постојан платен систем,
• Клиентот односно Налогодавачот добива  можност за плаќања преку  најефтин канал бидејќи нема високи дополнителни  трошоци од коресподентни банки врз износот на дознаката,
• Примачот добива износ намален за минимални  трошоци (3 еур  и трошоци од банката на корисникот – доколку такви  постојат).