Алкалоид со најголема добивка во 2019 од сите домашни компании

Од домашните компании, во текот на минатата година фармацевската компанија Алкалоид имала најголема добивка, додека пак ако се анализираа добивката на сите компании во земјава, вклучувајќи и странски и државни, Алкалоид е на десеттото место.

Компанијата остварила добивка во износ од 16,4 милиони евра, а има приходи од 141, 1 милиони евра. Во оваа фирма просечниот број на вработени лани бил 1 588 што ја вбројува и во групата на најголеми работодавачи.

Во однос на претходната година Алкалоид има зголемување и на приходите и на добивката. Па така, во 2018 оваа фармацевтска компанија има приходи во износ од 128,2 милиони евра а добивката изнесувала 13,7 милиони евра. Алкалоид во текот на минатата година го зголемила и бројот на вработени за 104 во однос на претходната година.

Прочитај ја целата анализа: ТОП 10 приватни компании – локомотива на економијата!