Трговските центри ќе работат и недела ама ќе плаќаат повисок данок и дневница

“Доколку во конечното решение се одлучиме трговските центри да работат во недела, тоа ќе биде под строго дефинирани критериуми, строго определено работно време, но и обврски на сопствениците на продавниците за одреден процент од средствата да се слеваат во државната каса и дополнителен надомест за работниците кои ќе работат во недела”, порача денеска министерката за труд и социјална политика Јагода Шахпаска.

Министерката посочи дека 50% промет само во недела заедно со аргументите за шопинг туризмот на граѓани од нашите соседни држави се сериозни бројки кои се придонес на целокупната економија во државата.