Аналитика
Приходите на Фејсбук се зголемија за 22% или 28,07 милијарди долари, што е повисоко отколку што првично предвидуваа аналитичарите од 26,36 милијарди долари.
Фејсбук ја затвори бурната 2020 година со зголемена заработка во последниот квартал. Базата на корисници на Фејсбук се зголеми, како последица од луѓето што остануваат дома, а додека приходите се зголемуваат со промена на дигиталното рекламирање во услови на пандемија.
Но, компанијата предвиде неизвесност за 2021 година и соопшти дека нејзините приходи во втората половина на годината може да се соочат со значителен притисок. Бидејќи приходите пораснаа многу брзо во втората половина, социјалната мрежа може да има проблеми со одржувањето на тоа темпо.
Исто така, Фејсбук се соочува со предизвици во однос на тоа како ги насочува рекламите, вклучувајќи го и претстојното започнување на заштитата на приватноста на Епл што може да ја ограничи можноста на Фејсбук за насочување реклами.
Фејсбук заработи 11,22 милијарди долари или 3,88 УСД по акција во периодот октомври-декември, далеку над 3,19 УСД што ги очекуваа аналитичарите и порасна за 53 отсто во однос на претходната година.
Нејзината месечна корисничка база порасна за 12 проценти на 2,8 милијарди.
Фејсбук ја заврши 2020 година со 58.604 вработени, што претставува раст од 30 проценти во однос на претходната година.
