ПОВЕЌЕ

    ДРОН, МИНА ИЛИ НЕСРЕЌЕН СЛУЧАЈ: Брод полн со жито, со 12 членови на екипажот потона на 40 наутички милји од ’Рт Калиакра

    Време зa читање: 2 минути

    Бугарското Министерство за транспорт соопшти дека се испратени четири пловни објекти и воен авион за да му помогнат на бродот кој е во неволја во Црното Море.
    Товарен брод што плови под сомалиско знаме, со 12 членови на екипажот, тоне на околу 40 наутички милји од ’Рт Калиакра. Бугарското Министерство за транспорт соопшти дека се испратени четири пловни објекти и воен авион за да му помогнат на бродот кој е во неволја во Црното Море.

    Според БГНЕС, во 9:15 часот по локално време, Центарот за координација на поморско спасување во Варна примил повик за помош од екипажот на товарниот брод „BETUL 8“, кој се наоѓа во рамките на бугарската ексклузивна економска зона во Црното Море, на околу 40 наутички милји југоисточно од ’Рт Калиакра. Екипажот пријавил дека бродот тоне.

    Во извештаите во бугарскиот печат се наведува дека товарниот брод, изграден во 1988 година, потонал по експлозија.

    Се наведува дека е во тек истрага за тоа дали експлозијата била предизвикана од морска мина или од напад со беспилотно летало. Точната причина за инцидентот сè уште не е утврдена.

    На самото место се испратени четири пловни објекти од Поморската група за противминиски дејства во Црното Море (MCM Black Sea) – два бугарски, еден романски и еден турски. Операцијата ја координира Генералниот директорат за активности за итно спасување при Извршната агенција „Поморска администрација“.
    Во операцијата се вклучени и два хеликоптери „Кугар“ (Cougar) и авион „Су-25“ (Su-25) на бугарските воздухопловни сили, кои ќе вршат надзор и извидување на подрачјето.

    „BETUL 8“ плови под сомалиско знаме и има екипаж од 12 лица. Бродот патувал од Тулча, Романија, кон Египет, превезувајќи речиси три тони пченица во рефус.

    19,505Следи нè на facebookЛајк

    слично